ललित कला अकादमी 

मी नृत्यालंकार सौ.अपर्णा अजित पेंडसे.

माझ्या गुरुवर्या सौ. रेखा नाडगोडा, सुश्री मुक्ताताई जोशी, श्रीमती आशा जोगळेकर व सौ. मंजिरी देव यांच्या आशीर्वादाने सरस्वती विद्या मंदिर, नौपाडा, ठाणे येथे गेली २५ वर्षे मी कथ्थक नृत्याचे क्लास घेत आहे.

 

कथक नृत्य ही भारताला उत्तर भारताकडून लाभलेली एक शास्त्रीय नृत्य शैली आहे. हिचा उगम कधी झाला ते माहित नाही परंतु शंकराचा डमरुनाद व कृष्णाच्या बासरी इतकी ही कला प्राचीन आहे. कथ्थक नृत्यात लय व तालाचा सुंदर मिलाप दिसतो तसेच यामध्ये भावअंगही सादर केले जाते.आपल्या दिग्गज पंडितांनी कथ्थक वर खूप संस्कार केले आहेत व त्याची जोपासना केली आहे. गुरुपरंपरेचा वारसा आजची त्यांचे शिष्य जोपासत आहे.

 

सरस्वती ललित कला अकादमी नृत्यवर्गात शुद्ध कथक नृत्य व कथ्थक नृत्यावर आधारित सेमी क्लासिकल गाणी शिकविले जाते. प्रत्येकाकडे वैयक्तिक लक्ष दिले जाते. अखिल भारतीय गांधर्व मंडळाच्या परीक्षांना बसविले जाते. संस्थेतील अनेक विद्यार्थिनी, विशारद व अलंकार विशेष श्रेणी मध्ये उत्तीर्ण झाल्या आहेत.

 

विद्यार्थ्यांचा सभाधीटपणा वाढावा व त्यांना सादरीकरणाची सवय व्हावी म्हणून आमच्या संस्थेतर्फे वेगवेगळ्या ठिकाणी कार्यक्रम सादर केले जातात. कथ्थक रंग - भूपाळी ते भैरवी, लोकनृत्य ते शास्त्रीय नृत्य, नृत्यविविधा,ऋतुरंग, 'ॐनमो भगवते वासुदेवाय' ही नृत्यनाटिका असे अनेक कार्यक्रम आम्ही मधुरांगण, रोटरी, द्वारकाधीश मंदिर.आपटा फाटा, घंटाळी सहयोग मंदिर,कौपिनेश्वर मंदिर.नववर्ष स्वागत यात्रा,उपवन फेस्टिवल,सी.के.पी.हॉल,चेंबूर,शिर्डी,नवदुर्गा विश्वजननी मंदिर ,लॉस एंजलिस,दि हिंदू टेम्पल ऑफ मिनियासोटा,मिनियापॉलिस,अमेरिका, अशा विविध ठिकाणी कार्यक्रम सादर केले आहेत.

 

वय वर्ष ६ पासून सर्वांना आपला नृत्याचा छंद जोपासता येणार आहे. आपणही या सुवर्ण संधीचा लाभ घ्यावा.